Ferðaþjónusta

Snæfellsstofa, Gestastofa á Skriðuklaustri

Vatnajökulsþjóðgarður, Skriðuklaustur í Fljótsdal, Breeam

Gestastofan hýsir þjónustumiðstöð þjóðgarðsins með sýningar- og kennsluaðstöðu auk rýma fyrir starfsmenn þjóðgarðsins svo sem skrifstofur, geymslur og aðstöðu fyrir þjóðgarðsverði.


Við hönnunina var lögð sérstök áhersla á tengsl byggingarinnar við umhverfið og vistræn sjónarmið eru höfð í hávegum.

Upplýsingar um verkefnið

Verkkaupi
Vatnajökulsþjóðgarður

Verktími
2009 - 2010

Staðsetning
Skriðuklaustur í Fljótsdal

Tengiliðir

Um hvað snýst verkefnið

Burðarvirki hússins er að hluta steinsteypt með sjónsteypuáferð að innan og að utan, þök með torfi og að hluta timburveggir og timburþakeiningar klædd með kopar. Stór verönd úr timbri er klædd með lerki úr nágrenninu.

Lagna- og loftræsihönnun í verkefninu tók mið af vistvænum sjónarmiðum og var leitast við að hámarka nýtingu á vatni og orku í byggingunni. Húsið er hitað upp með gólfhita og er að mestu náttúrulega loftræst. Einnig var hannað vökvunarkerfi fyrir grænt þak byggingarinnar.

Hljóðvistarhönnun í verkefninu snéri helst að hljóðeinangrun á milli skrifstofurýma og hljóðstigi frá tæknibúnaði byggingar. Þá var einnig hugað að ómtímalengd í þeim rýmum þar sem áhersla var á hljómburð.

Brunavarnir tóku mið af starfseminni og öryggi útfært þannig að mikill fjöldi geti sótt stofuna heim. Í byggingunni eru handvirkur slökkvibúnaður og brunaviðvörunarkerfi.

Umhverfisvottun Snæfellsstofa hefur hlotið vistvæna vottun fyrir fullbúna byggingu skv. alþjóðlega BREEAM vottunarkerfinu. Einkunn vottunarer Very Good. Lögð var áhersla á þætti eins og umhverfis- og úrgangsstjórnun á verktíma, góða innivist, orkunýtni, vatnssparnað, vistvænt val byggingaefna og viðhald á vistfræðilegum gæðum lóðar.

Umhverfismál

Við hönnunina var lögð sérstök áhersla á tengsl byggingarinnar við umhverfið og vistræn sjónarmið eru höfð í hávegum.

Hlutverk EFLU

  • Burðarþol
  • Lagnir- og loftræsting
  • Hljóðvistarhönnun
  • Bruna-og öryggishönnun
  • Ráðgjöf vegna vistvænnar hönnunar og BREEAM vottunar í samvinnu við Mott MacDonald

Ávinningur verkefnis

Húsið hlaut BREEAM vottun sem vistvæn bygging.

Mannvirkið hlaut Steinsteypuverðlaunin 2016 



Var efnið hjálplegt? Nei