Scott Monument í Edinborg
Eitt þekktasta kennileiti Skotlands, minnismerkið Scott Monument, stendur á áberandi stað í miðbæ Edinborgar og er afar fjölsóttur og vinsæll ferðamannastaður.
Um hvað snýst verkefnið
KSLD | EFLA Lýsingarhönnun var valin til að hanna lýsingu fyrir þessa fallegu 170 ára gömlu byggingu sem eftir væri tekið. Eftirtektarverð smáatriði og töfrandi sérkenni þessarar gömlu gotnesku byggingu veittu lýsingarhönnuðum innblástur í verkefnið. Það var því ákveðið að leggja áherslu á lýsingu sem veitti þessum eiginleikum skýrari ásýnd og drægi betur fram fegurð byggingarinnar.
Það voru fjölmargar áskoranir sem komu upp í verkefninu, bæði vegna sögulegs gildis byggingarinnar og yfirborðsáferðar á steinhleðslunni. Þannig leiddu prófanir í ljós að steinninn legði frá sér grænan lit undir ákveðinni lýsingu. Því var ákveðið að nota sérstaka ljósgjafa sem næðu að kalla fram glitrunina í steinhleðslunni.
Einnig þurfti að huga vel að öllum festingum, þar sem bannað er að bora í steininn eða raska yfirborð minnismerkisins nokkurn hátt. Flestir ljósgjafar voru sérstaklega hannaðir fyrir þetta verkefni og smíðaðir í Edinborg. Sérsniðnar súlur voru útbúnar skrautlýsingu lýsa nú undirstöðurnar á minnisvarðanum og tengja bygginguna við umhverfið sitt.
Mikil áhersla var lögð á auðvelt aðgengi að lömpum, undirstöðum og raflögnum í allri hönnuninni. Að lágmarka viðhaldskostnað var haft að leiðarljósi án þess þó að slá af kröfum um tilkomumikla og eftirtektarverða lýsingu á þessu glæsilega minnismerki.
Hlutverk KSLD | EFLU
Sáum um alla lýsingarhönnun, hönnun ljósgjafa ásamt útfærslu á rafkerfi.
Verðlaun fyrir lýsingarhönnun
- LUX verðlaun 2016: "Highly Commended in the Outdoor Lighting category"
- Scottish Design verðlaun 2017: "Winner of the Lighting Design category"