Háspennulínumastur í NoregiHáspennulínumastur í Noregi

EFLA skilaði inn þremur tillögum í keppnina og lentu tillögur EFLU í tveimur efstu sætunum. Vinningstillagan heitir „Stráið“ en „Spíran“ hafnaði í öðru sæti. EFLA vann sínar tillögur í samstarfi við Evu Widenoju, iðnhönnuð frá Widenoja Design AS.

Verkefnið fólst í hönnun á nýrri gerð 420 kV háspennulínumastra sem þurftu að uppfylla fyrirfram ákveðnar kröfur frá Statnett. Í verkinu fólst útlitshönnun, burðarþolshönnun, raffræðileg hönnun, kostnaðarmat og myndræn framsetning á tillögunum.

Útlitshönnun og framsetning á tillögunum var unnin í samstarfi við Evu Widenoju. EFLA sá um burðarþolshönnun, raffræðilega hönnun, kostnaðarmat og gerð kynningarbæklings.

Statnett leggur mikið uppúr því að hafa sem jákvæðust áhrif á umhverfi sitt. Þetta verkefni er hluti af að framfylgja þeirri sýn.