Jarðgöng og vegur í norður Noregi
Hönnun á tvennum jarðgöngum. Verkefnið fól í sér þverun stöðuvatns og hönnun á varnargarði gegn grjóthruni, fráveitulagnir, umferðaröryggismál og skilti, gerð útboðsgagna og samræmingarhönnun, einnig áhættumat vegna umhverfismála og vinnuöryggis.
Um hvað snýst verkefnið
Fylkisvegur 17 er hluti af svokölluðum ferðamannavegum og hluti af strandvegaverkefni norsku vegagerðarinnar. Undir fjallinu Liafjell hefur verið viðvarandi skriðufallahætta um langt skeið, þannig að vegurinn hefur lokast reglulega og almennt er öryggi vegfarenda ekki nægjanlegt.
EFLA sá um útboðshönnun á um 5,6 km löngum kafla á þessum vegi við Aldersund. Vegurinn fer í um 2 km löngum jarðgöngum undir Liafjell en það dugir þó ekki til að sleppa algjörlega við grjóthrunshættu þar sem aðstæður við jarðgangamunnan eru þannig að ekki er hægt að komast inn í fjallið á öruggum stað. Því var hannaður rúmlega 100 m langur varnargarður úr jarðvegsgrindum sem er mest um 8 m hár.
Vegna takmarkanna við val á veglínu, vegna hagsmuna landeigenda, grjóthruns úr annarri hlíð og vegna krafna frá samískum hreindýrabændum fer vegurinn um önnur jarðgöng sem eru aðeins um 400 m löng. Þaðan fer vegurinn beint á brú yfir stöðuvatnið Olvikvatn sem er um 26 m djúpt.
Hlutverk EFLU
- Hönnunarstjórn
- Gerð útboðsgagna og samræming
- Veghönnun
- Fráveitulagnir
- Umferðaröryggismál og skilti
- Bergtækni
- Jarðtækni
- Hönnun varnargarða
Ávinningur verkefnis
Betri samgöngumáti með nýjum og öruggari vegi án skriðufallahættu.