Loftmyndir og land-mælingar

EFLA nýtir nýjustu tækni í drónamyndum, þrívíddarskönnun og GPS-mælingum til að tryggja áreiðanlegar niðurstöður sem nýtast við ákvarðanatöku, skipulag, hönnun og framkvæmdir um allt land.

Við tryggjum viðskiptavinum áreiðanlega yfirsýn, betri stjórntæki og aukið öryggi í verkefnum sínum.

Þarftu þrívíddarskönnun, nákvæma GPS-mælingu eða loftmynd af svæði?

EFLA býður upp á mælingar- og landupplýsingalausnir fyrir opinbera aðila, fyrirtæki og einstaklinga sem þurfa nákvæmar upplýsingar hvar sem er á landinu. Við bjóðum upp á sérsniðnar lausnir fyrir fjölbreytt verkefni sem veita betri yfirsýn yfir svæði og mannvirki og tryggjum nákvæmar og áreiðanlegar niðurstöður og hagkvæma og skilvirka vinnslu gagna.

Landmælingar

Við bjóðum upp á fjölbreytta landmælingaþjónustu sem byggir á alstöðvum, GPS-búnaði og þrívíddarskönnun. Meðal verkefna eru:

Innmælingar af byggingum

Vöktun framkvæmda eða mannvirkja

Staðsetning á byggingum og tækjum

Mælingar á landamerkjum og lóðamörkum

Þrívíddarskönnun innan- og utanhúss

Dróna- og myndmælingar

Nýjustu lausnir í drónatækni gera okkur kleift að skila afurðum með sentimetra-nákvæmni á stórum svæðum. Við bjóðum meðal annars upp á:

Klassískar loftmyndir

Lidarmælingar

Hitamyndamælingar

Fjölsviðsmyndir

Myndmælingar með drónatækni nýtast til að útbúa loftmyndamósaík af stórum svæðum, hæðarlíkön, þrívíddarlíkön og ásýndarmyndir.

Landupplýsingar og kortavefsjár

Gögn sem tengja saman staðsetningu og upplýsingar eru mikilvægur grunnur fyrir skipulag, rannsóknir, náttúruvernd og opinberar framkvæmdir. EFLA veitir ráðgjöf og þjónustu við:

Uppbyggingu landfræðilegra gagnagrunna
Stöðlun gagna samkvæmt gæðareglum
Utanumhald og uppfærsla gagna
Miðlun gagna til starfsfólks og viðskiptavina
Birtingu landupplýsinga á sérsniðnum kortavefsjám

Með notendastjórnun og öryggri innskráningu geta viðskiptavinir haldið utan um sín gögn án þess að þau birtist í opnu aðgengi. EFLA tryggir þannig gagnaöryggi í takt við kröfur nútímans.

Sérfræðingar í mælingum og landupplýsingum

Mælingateymi EFLU samanstendur af sérfræðingum með þekkingu í jarðfræði, verkfræði og upplýsingatækni. Við sérhæfum okkur í landmælingum, loftmyndum og landupplýsingum og tryggjum að gögnin séu hagnýt, aðgengileg og í hæsta gæðaflokki. Við höfum margra ára reynslu af fjölbreyttum verkefnum í mælingum og landupplýsingum um allt land. Verkefnin spanna allt frá nákvæmum innmælingum einstakra bygginga yfir í umfangsmiklar drónamyndir á kílómetrasvæðum.

Við vinnum með opinberum aðilum, fyrirtækjum og einstaklingum sem þurfa nákvæmar upplýsingar um land, mannvirki eða framkvæmdir, hvort sem um ræðir skipulagsverkefni, lóðamörk, eftirlit eða rannsóknir. Reynslan tryggir að við getum boðið hagkvæmar lausnir sem nýtast jafnt í skipulagi, rannsóknum og framkvæmdum. Helstu lausnir eru: