Verkefni

EFLA var ráðgjafi Öskju við innleiðingu á gæðastjórnunarkerfi skv ISO 9001 í starfsemi fyrirtækisins.

EFLA gerði vistferilsgreiningar (einnig kallað lífsferilsgreining) fyrir meðferðarkjarna og rannsóknarhús Nýs Landspítala. Vistferilsgreining er mikilvægur þáttur í vistvænni hönnun og er oft notuð til að uppfylla kröfur BREEAM vottunarkerfisins.

EFLA útbjó umhverfisyfirlýsingar (Environmental Product Declaration, EPD) fyrir frauðplastvörur sem eru framleiddar af Tempra ehf. í Hafnarfirði. Undanfari slíkra yfirlýsinga er vistferilsgreining sem notuð er til að meta umhverfisáhrif vöru.

EFLA vann deiliskipulag fyrir Sigöldustöð, en hún er ein af sex virkjunum á vatnasviði Þjórsár og Tungnaár. Virkjanamannvirki eru til staðar en til stendur að stækka virkjunina og auka raforkuframleiðslu.

EFLA vann nýtt deiliskipulag fyrir Laugarás með tilliti til þéttingar byggðar, endurskoðunar byggingarheimilda, bættra samgangna og framtíðarstefnu um íbúðarbyggð með áherslu á atvinnuskapandi umhverfi.

EFLA útbjó umhverfisyfirlýsingar (Environmental Product Declaration, EPD) fyrir fjórar malbikstegundir sem eru framleiddar hjá Colas. Undanfari slíkra yfirlýsinga er vistferilsgreining, en slíkar greiningar eru notaðar til að meta umhverfisáhrif vöru.

Vegna endurskoðunar á aðalskipulagi Snæfellsbæjar var óskað eftir að EFLA ynni mat á vindorku á fyrirfram skilgreindu svæði auk þess sem frumathugun á vatnsaflsvirkjunarkostum yrði framkvæmd innan sveitarfélagsins.

EFLA sá um eftirlitsþjónustu með byggingum og veitum nýrrar 90 MWe jarðvarmavirkjunar Landsvirkjunar ásamt því að sjá um forritun, prófanir og gangsetningu á stjórnkerfum og fjarskiptakerfi.