Starfsstöðvar
Höfuðstöðvar EFLU eru að Lynghálsi 4 í Reykjavík en auk þess hefur fyrirtækið starfsstöðvar í öllum landsfjórðungum á Íslandi.
Suðurland
EFLA á Suðurlandi býður upp á alhliða verkfræðiráðgjöf. Starfsstöðvarnar eru á Selfossi og Hellu og meðal verkefna á svæðinu eru ráðgjöf við byggingaframkvæmdir, lagnahönnun og verkefnastjórnun. Ennfremur er teymi skipulagsmála og þéttbýlistækni sterkt á svæðinu og sinna verkefnum tengdum aðal- og deiliskipulagi, landskiptum, og mati á umhverfisáhrifum framkvæmda (MÁU).
Landmælingar, kortagerð og útsetning á landi hefur verið eitt af sérsviðum EFLU á Suðurlandi frá upphafi og býr stofan yfir afburða tækjabúnaði fyrir slík mælingaverkefni.
Austurland
Starfsstöðvar EFLU á Austurlandi er á Egilsstöðum og Reyðarfirði. Starfsfólk er alls 22 talsins. Starfsstöðvar EFLU hafa verið starfræktar á Austurlandi allt frá stofnun EFLU 2008.
Sérstaða sérfræðinga EFLU á Austurlandi er:
- alhliða ráðgjöf í verkfræði og tækni
- byggingarverkfræði
- rafmagnsverkfræði
- vélaverkfræði
- verkefni eru tengd sjávarútvegi, fiskeldi, áliðnaði og öðrum iðnaði
- þjónusta við sveitarfélög og orkufyrirtæki
- raflagnahönnun
- stýring fyrir veitustofnanir og iðnfyrirtæki
- eftirlit og ráðgjöf í virkjunum og tengivirkjum, öllum tegundum af húsbyggingum
- þjónusta við sveitarfélög og veitustofnanir á sviði veitna og gatnagerðar
- byggingareftirlit
- skipulagsmál
- ofanflóðavarnir
Norðurland
EFLA á Norðurlandi er staðsett á Akureyri og veitir alhliða ráðgjöf í verkfræði og tækni. Meðal verkefna á svæðinu eru framkvæmdir tengdar byggingum, hitaveitum, vatnsveitum, fráveitum, gatna- og vegagerð, smávirkjunum, umhverfismálum og skipulagsmálum.
Þá eru einnig unnin margvísleg verkefni tengd stjórnkerfum fyrir iðnfyrirtæki, veitur og virkjanir auk hönnunar raflagna, lýsingar- og tæknikerfa í byggingar og önnur mannvirki.
Vestfirðir
Starfsstöð EFLU á Vestfjörðum er á Ísafirði. Starfsfólk er alls átta talsins. Starfsstöðin hefur verið starfrækt síðan árið 2021.
Sérstaða sérfræðinga EFLU á Vestfjörðum er:
- ráðgjöf á sviði verkfræði og tæknifræði á svæðinu
- umhverfismál
- skipulagsmál
- orkumál
- aðaluppdrættir vegna mannvirkjagerðar
- kostnaðaráætlanir
- ástandsskoðanir
- GPS mælingar
- útsetningar fyrir lóðir, vegi, hafnir og mannvirki
- gerð eignaskiptasamninga og útboðsgagna
Vesturland
Starfsstöð EFLU á Vesturlandi er á Hvanneyri, Grundarfirði og Akranesi. Starfsfólk er alls fimm talsins. Starfsstöðin hefur verið starfrækt síðan árið 2019.
Sérstaða sérfræðinga EFLU á Vesturlandi er:
- verkfræði- og ráðgjafarþjónusta
- þjónustu í framkvæmdum og byggingum
- skipulagsmál
- landmælingar
- kortagerð