Björgunaræfing á Selfossi
Björgunarfélag Árborgar ásamt EFLU unnu tilraunaverkefni sem fólst í að athuga möguleikann að nota dróna sem var útbúinn hitamyndavél til að leita að fólki á landi og legi.
Um hvað snýst verkefnið
Skipulagðar voru aðgerðir til að leita að sjálfboðaliðum sem tóku þátt í verkefninu í Ölfusá bæði í myrkri og dagsbirtu.
Björgunarsveitamaður í flotgalla fór út í Ölfusá og synti þannig að aðeins sást í höfuðið. Dróninn með hitamyndavélinni leitaði í kjölfarið að manninum og reyndist auðvelt að finna hann og fylgjast með reki hans niður ána.
Niðurstöðurnar voru afar jákvæðar og jafnvel þótt björgunarsveitamaðurinn hafi verið í þykkum flotbúningi náði dróninn greinilega að mæla hitaútstreymi frá honum.
Það sama var upp á teningnum þegar fylgst var með fólki á landi, dróninn gat auðveldlega greint það í nokkur hundruð metra fjarlægð.
1 / 3
2 / 3
3 / 3