Brýr við Ring 3Brýr við Ring 3

Verkefnið felst í endurbótum á göngu- og hjólastíg meðfram Ring 3 í Osló (milli Holmenveien og Gaustad). Samhliða er bætt við strætisvagnaakrein í austurátt á Ring 3 á kaflanum.

Framkvæmdin er liður í að útfæra samhangandi net hjólastíga í Osló, verkefni sem hrundið var af stað af borgaryfirvöldum árið 1999. Strætisvagnaakreinin í austurátt á að leiða til bætts umferðarflæðis fyrir strætisvagna.

Verkefnið felur í sér hönnun á nýjum göngu- og hjólastíg, breytingu á núverandi göngu- og hjólastígakerfi ásamt tveim nýjum brúm og öðrum framkvæmdum á svæðinu. Hönnun á strætisvagnaakrein, strætisvagnastoppum, götulýsingu, lagningu kapla og meðhöndlun á yfirborðsvatni er einning partur af verkefninu ásamt framkvæmd á jarðgrunnsrannsóknum.

• Nýr göngu- og hjólastígur meðfram Ring 3 verður 1 km langur, nýir stoðveggir/hljóðveggir verða 500 m.
• Ris skole göngubrúin er 90 m löng skástagbrú með kassalaga stálþversniði í fjórum höfum. Heildarbreidd brúarinnar er 4,3 m og meginhafið yfir Ring 3 er 45,2 m.
• Borgenveien göngubrúin er plötubrú úr járnbentri steinsteypu í einu hafi, 15,4 m. Heildarbreidd brúarinnar er 6,5 m.

Umhverfistæknilegar grunnrannsóknir og verklýsingar fyrir meðhöndlun á menguðum jarðefnum var hluti af verkefninu.

Hljóðvistarreikningar og hönnun hljóðvarna var hluti af verkefninu.

• Hönnun á einni skástagbrú með kassalaga stálþversniði, einni steyptri plötubrú og öðrum mannvirkjum á svæðinu.
• Hönnun á nýju göngu- og hjólastígakerfi ásamt dreni og meðhöndlun á yfirborðsvatni
• Hönnun á strætisvagnaakgrein og strætisvagnastoppum
• Útfærsla á flutningi og endurskipulagningu á lögnum og köplum í jörðu
• Hönnun á lýsingu á svæðinu
• Umhverfis- og jarðtæknilegar rannsóknir
• Hönnun á landmótun á svæðinu
• Framkvæmd hljóðreikninga og hönnun hljóðveggja
• Gerð útboðsgagna fyrir verkið
• Eftirlit og ráðgjöf á framkvæmdatíma

Bætt samgöngukerfi fyrir gangandi og hjólandi og notendur almenningsvagna í þessum hluta Osló.