Uppsjávarfrystihús Eskju
Eskja hf. tók í notkun nýtt hátæknivætt uppsjávarfrystihús á Eskifirði. Húsið er 7000 m2 að stærð og eru allir vinnsluferlar sjálfvirkir. EFLA sá um byggingarhönnun fyrir nýtt uppsjávarfrystihús Eskju.
Um hvað snýst verkefnið
EFLA sá um alla byggingarhönnun ásamt aðaluppdrætti, forhönnun og rýni stálgrindarhönnunar ásamt samræmingu og ráðgjöf til verktaka og samstarfsaðila. EFLA sá einnig um alla almenna rafmagnshönnun, s.s. fyrir lýsingu, smáspennu- og brunakerfishönnun ásamt forritun og skjámyndakerfi fyrir búnað og kerfi til hliðar við vinnsluferla.
Um er að ræða hönnun uppsjávarvinnsluhúss fyrir Eskju þar sem sjálfvirk vinnsla fyrir frystingu á uppsjávarafurðum fer fram ásamt frystigeymslu afurða.
Hlutverk EFLU
- Alhliða byggingarhönnun
- Stýringar á búnaði utan vinnslu (hreinsikerfi, sjódælingu o.f.l.)
- Ráðgjöf verkaupa á framkvæmdartíma
- Aðstoð við innkaup á framkvæmdartíma
Ávinningur verkefnis
Með byggingu uppsjávarfrystihúss er Eskja búin að færa frystingu sína á uppsjávarafurðum frá sjó yfir í land og margfalda þar með afköstin. Þannig hefur Eskja aukið atvinnuframboð á svæðinu, bæði hvað varðar framleiðslustörf, iðn- og tæknistörf.