Endurskoðun aðalskipulags Borgarbyggðar
Endurskoðun Aðalskipulags Borgarbyggðar 2025–2037 nær yfir allt land innan sveitarfélagsins og mótar heildstæða stefnu um landnotkun, byggðaþróun, náttúruvernd og uppbyggingu grunnkerfa til næstu tólf ára.
Markmið verkefnisins var að móta skýra, raunhæfa og framtíðarmiðaða stefnu sem styður sjálfbæra þróun, styrkir samfélagið til langs tíma og er aðgengileg bæði stjórnvöldum og almenningi.
EFLA gegndi lykilhlutverki í undirbúningi, greiningu, skipulagsgerð og samhæfingu verkefnisins í nánu samstarfi við Borgarbyggð.
Aðalskipulagið leggur grunn að framtíðarinnviðum sveitarfélagsins og styður upplýstar stefnumarkandi ákvarðanir.
Helstu atriði
- Verkefni: Aðalskipulag
- Staðsetning: Borgarbyggð
- Umfang: Allt land innan sveitarfélagsmarka (2025–2037)
- Áherslur: Sjálfbær landnýting, loftslagsaðlögun, náttúruvernd, stafrænt skipulag
- Hlutverk EFLU: Skipulagsgerð, ráðgjöf, umhverfismat og samhæfing
Verkefnið
Gildistími fyrra aðalskipulags Borgarbyggðar var liðinn og þörf hafði skapast fyrir heildstæða endurskoðun sem tæki mið af nýjum áskorunum og breyttum forsendum. Verkefnið fól í sér að samræma landnotkun, byggðaþróun og vernd náttúruauðlinda, með sérstakri áherslu á loftslagsmál, náttúruvá og sjálfbæra nýtingu lands.
Mikilvægt var að skipulagið byggði á traustum greiningum, hefði skýra stefnu og væri hagnýtt í framkvæmd.
Lausnin
Unnið var á grundvelli þverfaglegrar samvinnu sérfræðinga EFLU á sviði skipulags, umhverfismála og verkfræði. Verkefnið studdist við kerfisbundna forsendugreiningu, ítarlegt umhverfismat og stafræna framsetningu í landupplýsingakerfi.
Skipulagið var unnið í samræmi við leiðbeiningar HMS um stafrænt aðalskipulag og er sett fram í skipulagsvefsjá, sem eykur aðgengi, gagnsæi og nýtanleika gagna.
Niðurstöður og ávinningur
Endurskoðað aðalskipulag skapar traustan ramma fyrir framtíðarþróun Borgarbyggðar.
Í því felst meðal annars:
- betri grundvöllur fyrir stefnumarkandi ákvarðanir,
- aukið aðgengi að skýrum og uppfærðum skipulagsgögnum,
- aukin vitund um náttúruvá, loftslagsáhrif og vernd verðmætra auðlinda,
- stuðningur við sjálfbæra landnýtingu og jafnvægi milli uppbyggingar og verndar.
Aðkoma EFLU
- Skipulagsgerð og stefnumótun
- Forsendugreining og umhverfismat
- Stafræn framsetning aðalskipulags í landupplýsingakerfi
- Greiningar og fylgiskjöl, m.a.:
- kortlagning takmarkana vegna vindorku,
- flokkun landbúnaðarlands og vega í náttúru Íslands
- Samhæfing samráðs, kynningar og úrvinnslu umsagna
- Verkefnastjórnun og fagleg ráðgjöf