Lýsingarhönnun fyrir Vetrarhátíð í ReykjavíkLýsingarhönnun fyrir Vetrarhátíð í Reykjavík

Á Vetrarhátíð fær magnað myrkrið að njóta sín en hátíðin er öll hin glæsilegasta og fjöldi listamanna, safna og sundlauga taka þátt í að skapa einstaka stemningu í borginni. Vetrarhátíð er haldin á höfuðborgarsvæðinu og taka öll sex bæjarfélögin þátt í henni. Markmið hátíðarinnar er að lýsa upp, lífga upp á skammdegið og draga fram fegurð borgarinnar í myrkrinu. Fjöldi listamanna tekur þátt í hátíðinni og skapa einstaka stemmningu með fjölbreyttum hætti.

Verkefnið gekk út á að vekja til lífs hinar ýmsu styttur bæjarins og gæða þær lífi með ljósi og hljóðbrellum. Notaðir voru skjávarpar og RGB ljóskastarar auk hljóðkerfis. Verkið vakti verðskuldaða athygli og hlaut mikla umfjöllun í fjölmiðlum.