Iðnaður

Ljósabrúin í Kópavogi | Lýsingarhönnun

Kópavogur, Kópavogsbær, Fífuhvammsvegur, Arkís, LED RGB, Skrautlýsing

Brúin yfir Fífuhvammsveg liggur yfir eina umferðarþyngstu götu landsins og mjög áberandi. EFLA sá um lýsingarhönnun brúarinnar.

Upplýsingar um verkefnið

Verkkaupi
Kópavogsbær

Verktími
2006 - 2015

Staðsetning
Fífuhvammsvegur við Smáratorg, Kópavogi

Arkitektar
Arkís arkitektar

Tengiliður

Um hvað snýst verkefnið

Brúin er samtenging á milli Smáratorgs og Smáralindar. Brúin var hönnuð 2005 og 2006. Í upphafi hönnunarinnar var ákveðið að gera meira úr lýsingunni en áður þekktist hérlendis. Auk hefðbundinnar umferðarlýsingar var ákveðið að útbúa sérstaka „skrautlýsingu“ með LED RGB tækni. Árið 2005 var LED lýsing byrjuð að ryðja sér til rúms og var því ákveðið að nýta RGB tækni þannig að breyta mætti litasamsetningum og útbúa mismunandi stemningu. 

Lýsingarhönnun með skilaboðum

Hugmyndin var að hanna lýsingu sem gæti komið skilaboðum eða upplýsingum til skila til vegfarenda. Sem dæmi þá er brúin böðuð bláu ljósi í marsmánuði í tilefni MottuMars og í október til nóvember er brúin bleik til að minna á baráttuna gegn brjóstakrabbameini, brúin er rauð um jólin o.sfrv.  Eftir hryðjuverkaárásirnar í Frakklandi 2016 var brúin böðuð í frönsku fánalitunum til minningar þeirra sem létust í árásunum. 

Vegna kostnaðar var ákveðið á framkvæmdartímanum að bíða með þessa lýsingu en allar lagnir voru lagðar og úrtök gerð í steypu fyrir innfeldu lýsinguna. Það var svo ekki fyrr en á árinu 2015 að lýsingunni var komið upp og fullkláruð. 

Lýsingarhönnun brúarinnar vann til Íslensku lýsingarverðlaunanna 2015.

Arkis arkitektar voru einnig þátttakendur í lýsingarhönnuninni.

Verkþættir

Hlutverk EFLU

Tilraunir voru gerðar með ýmsa ljósgjafa á staðnum en að lokum var búnaður frá Osram valinn. LED RGBW ljósalengjum var komið fyrir í úrtökin sem voru fyrir og RGBW kösturum komið fyrir við brúarloft. Öll lýsingin spilar saman og er stýrt með HELVAR DIGIDIM 930 DALI/DMX stjórneiningum. 

Nokkrar senur eru fastar og tímastilltar en auðvelt er að bæta við og breyta senum. 

Tæknimenn Kópavogs sjá um allar stillinga og rekstur.

Lysebruen Kópavogur 1

Lysebruen Kópavogur 2

Lysebruen Kópavogur 3

Lysebruen Kópavogur 4


Var efnið hjálplegt? Nei