Lýsingartækni | Vegir í Noregi

Harstad, þéttbýlisstaður í Tromsfylki í norður Noregi

Um hvað snýst verkefnið

Verkið fólst í því að hanna veg-, göngu- og hjólreiðastígslýsingu á endurgerðum vegi gegnum þéttbýlissvæðið Harstad. Einnig voru hannaðar skrautlýsingar í undirgöngum og á miðeyjum hringtorga. Öll lýsingin er hönnuð með LED lýsingu eftir norskum stöðlum.

Í undirgöngum fyrir gangandi og hjólandi vegfarendur var hönnuð lýsing á bak við veggi klædda með trérimlum, auk þess sem hannaðir voru innsteyptir og upplýstir hringir í loft ganganna.

Á göngubrú sem byggð er yfir eitt hringtorganna var hönnuð LED lýsing í handriðum á báðum hliðum brúarinnar. Allar tröppur við undirgöng og göngubrú eru hannaðar með snjóbræðslukerfi með rafhitastrengjum.

Í miðeyjum hringtorga var hönnuð LED lýsing sem festist á misháa tréstaura, sem skrautlýsing á hringtorgunum.

Hlutverk EFLU

• Ráðgjafi verkkaupa
  
• Hönnun raf- og lýsingarkerfa
  
• Hönnun skrautlýsinga í undirgöngum og á hringtorgum
  
• Hönnun snjóbræðslukerfa með rafmagnsstrengjum