Lýsingarhönnun fyrir Landsbankann í ReykjanesbæLýsingarhönnun fyrir Landsbankann í Reykjanesbæ

Lýsingarhönnuðir EFLU fengu frjálsar hendur þegar lýsing fyrir útibú Landsbankans var endurhönnuð og nýjum innréttingum komið fyrir. Þetta er eitt fyrsta verkefni EFLU þar sem LED lýsing var notuð í meira mæli en hefðbundnir ljósgjafar.

Móttakan og inngangurinn eru römmuð skemmtilega inn með sveigðum LED lampalengjum en þess má geta að LED lamparnir koma sveigðir frá framleiðanda eftir forskrift hönnuða. Hringlaga LED lampar lýsa gönguleiðir á skemmtilegan máta með beinni og óbeinni lýsingu en biðsvæði eru lýst með ferköntuðum hefðbundnum flúrperum (sparperum).

Lýsingin skapar góða heildarmynd og er stýrð með DALI ljósastýrikerfi sem forritað er af EFLU.