Háspennulínumastur í Noregi
420 kV Hamang - Bærum - Smestad, Stráið, Stra
Statnett í Noregi stóð fyrir hönnunarsamkeppni um nýja gerð 420 kV háspennulínumastra sem myndi falla vel inní þéttbýlt hverfi í Osló.
EFLA skilaði inn þremur tillögum í keppnina og lentu tillögur EFLU í tveimur efstu sætunum. Vinningstillagan heitir „Stráið“ en „Spíran“ hafnaði í öðru sæti. EFLA vann sínar tillögur í samstarfi við Evu Widenoju, iðnhönnuð frá Widenoja Design AS.
Upplýsingar um verkefnið
Verkkaupi
Statnett
Verktími
ágúst - september 2016
Staðsetning
Osló, Noregi
Tengiliður
Steinþór Gíslason Sviðsstjóri Sími: +354 412 6200 / +354 665 6200 Netfang: steinthor.gislason@efla.is Reykjavík
Um hvað snýst verkefnið
Verkefnið fólst í hönnun á nýrri gerð 420 kV háspennulínumastra sem þurftu að uppfylla fyrirfram ákveðnar kröfur frá Statnett. Í verkinu fólst útlitshönnun, burðarþolshönnun, raffræðileg hönnun, kostnaðarmat og myndræn framsetning á tillögunum.
Hlutverk EFLU
Útlitshönnun og framsetning á tillögunum var unnin í samstarfi við Evu Widenoju. EFLA sá um burðarþolshönnun, raffræðilega hönnun, kostnaðarmat og gerð kynningarbæklings.
Umsagnir frá Statnett
Stráið - burðarmastur: „Framsækin, flott og stílhrein hönnun. Mastrið mun vekja eftirtekt.“
Stráið - fastmastur: „Einföld og stílhrein hönnun. Má skoða beygt form til að líkjast meir burðarmastrinu.“
Ávinningur verkefnis
Statnett leggur mikið uppúr því að hafa sem jákvæðust áhrif á umhverfi sitt. Þetta verkefni er hluti af að framfylgja þeirri sýn.
Verkþættir
Stráið bar sigur úr býtum í hönnunarkeppninni.
Stráið eins og það kæmi til með að líta í umhverfinu.
Túlipaninn var ein af tillögum EFLU og Evu Widenoju.
Spíran lenti í öðru sæti í hönnunarkeppninni.