Orka

Klafastaðir launaflsvirki

SVC virki, Launafl. Landsnet, Klafastaðir í Hvalfjarðasveit

Mannvirkið er svokallað SVC virki þ.e. Static Var Compensator virki sem er ætlað að jafna út spennusveiflur og auka þannig gæði raforkunnar. Þetta er gert með spólum og þéttum. Stjórnun virkisins byggir á aflrafeindatækni – þýristorum.

Þetta er 220 kV launaflsvirki sem er sjálfvirkt og á að halda spennunni á Klafastöðum innan eðlilegra marka, einnig þegar truflanir verða í 220 kV kerfinu. Launaflsvirkið getur þrepað sig á sviðinu -100/150 MVAr. Þetta er fyrsti hlutinn í 400/220 kV tengivirki sem mun rísa þarna í framtíðinni.

Upplýsingar um verkefnið

Verkkaupi
Landsnet

Verktími
2011 - 2012

Staðsetning
Klafastaðir í Hvalfjarðarsveit

Tengiliðir

Bjarni Jón Pálsson Byggingarverkfræðingur M.Sc. Sími: +354 412 6050 / +354 665 6050 Netfang: bjarni.jon.palsson@efla.is Reykjavík
Eggert Þorgrímsson Rafmagnsverkfræðingur M.Sc. Sími: +354 412 6072 / +354 665 6072 Netfang: eggert.thorgrimsson@efla.is Reykjavík

Um hvað snýst verkefnið

EFLA vann að undirbúningi SVC virkisins og sá um gerð útboðsganga auk þess sem fyrirtækið sá um eftirlit með uppsetningu rafbúnaðar. Um er að ræða flókinn rafbúnað og skilgreindi EFLA kröfur sem gerðar voru til búnaðarins en hönnuður og framleiðandi var ABB.

Landsnet ákvað að byggja hús yfir búnaðinn og er það á einni hæð og skiptist í þjónustuhús, SVC-rými, spennarými og rofarými. Þjónustuhúsið er upphitað, einangrað, steinsteypt hús, um 200 m² að grunnfleti. Hinir hlutar hússins eru um 2.100 m² að grunnfleti og eru óupphituð og óeinangruð skýli yfir háspennubúnað. SVC rými, spennarými og rofarými eru aðskilin með steinsteyptum veggjum. Burðargrind að öðru leyti úr stáli, þak og veggir klædd með málmklæðningum.

Við brunahönnun var sérstaklega skoðað bruna- og sprengiálag vegna spenna í byggingu. Framkvæmdir voru ítarlegir útreikningar á bruna í byggingu vegna spenna þar sem hitastig var skoðað sérstaklega m.t.t. loftræsingar. Að auki var gert sérhæft líkan og útreikningar á sprengingu í spennum. Skoðað var hvernig hljóð barst frá virkinu og metið hvort sérstakra aðgerða væri þörf af þeim sökum.