Orka

Þróun raforkuverðs á Íslandi 2005 - 2015

Kostnaður heimila við raforkuöflun, þróun orkuverðs og tekjumarka. Atvinnuvega- og nýsköpunarráðuneytið

EFLA tók saman skýrslu þar sem teknar eru saman upplýsingar um þróun heildartekna af raforkuafhendingu til rafhitaðs heimilis sem notar 30.000 kWh/ári og 85% orkunnar fer til hitunar húsnæðis og jafnframt er sýndur kostnaður notandans. Ennfremur eru teknar saman tölur um skatta, verðjöfnun og niðurgreiðslur. Skoðuð er þróunin frá því raforkulögin tóku gildi árið 2005 og til ársins 2017.

Upplýsingar um verkefnið

Verkkaupi
Atvinnuvega- og nýsköpunarráðuneytið

Verktími
janúar - mars 2017

Staðsetning
Reykjavík

Tengiliður

Um hvað snýst verkefnið

Kostnaður við hitun húsnæðis er breytilegur á milli svæða á Íslandi þar sem ódýr jarðvarmi er víða nýttur til húshitunar en innan við 10% landsmanna hita húsnæði beint eða óbeint með raforku sem er mun dýrari orka en jarðvarminn. Af þeim sökum hafa notendur á rafhitasvæðum kallað eftir aðgerðum frá hinu opinbera til að minnka kostnað við hitun húsnæðis og því hefur orka til húshitunar lengi verið greidd niður af ríkinu. 

EFLA hefur aðstoðað stjórnvöld í áratugi við að meta kostnað við húshitun og hefur safnað saman tölum um gjaldskrá sem hafa verið notaðar við sölu á raforku.

Hlutverk EFLU nær til eftirfarandi þátta

  • Ráðgjafi verkkaupa
  • Útreikningar á kostnaði notenda
  • Skýrslugerð



Var efnið hjálplegt? Nei