Samgöngur

Brú á Ölfusá | Forhönnun

Brú, Ölfusá, Efri Laugardælaeyja, Selfoss, Árborg

EFLA vinnur að forhönnun nýrrar brúar yfir Ölfusá við Efri-Laugardælaeyju. Eftir gerð brúarinnar mun hringvegurinn flytjast norður fyrir Selfoss. Brúin verður skákaplabrú, sú fyrsta sinna tegundar á Íslandi. Áætlað er að aðalhöf brúarinnar verði 145 og 155 m löng, sem verða lengstu brúarhöf á landinu.

Verkefnið felst í þróun á útfærsluatriðum er varða brúarlausnina í samráði við verkkaupa og samstarfsaðila.

Upplýsingar um verkefnið

Verkkaupi
Vegagerðin

Verktími
Hófst 2014

Staðsetning
Ölfusá við Efri Laugardælaeyju ofan við Selfoss

Samstarfsaðilar
Studio Grandi og Háskóli Íslands

Tengiliðir

Magnús ArasonByggingarverkfræðingur M.Sc. Sími: +354 412 6158 / +354 665 6158Netfang: magnus.arason@efla.is
Kristján Uni ÓskarssonByggingarverkfræðingur M.Sc.Sími: +354 412 6153 / +354 665 6153Netfang: kristjan.uni.oskarsson@efla.is
Baldvin EinarssonByggingarverkfræðingur Ph.D.Sími: +354 412 6043 / +354 665 6043Netfang: baldvin.einarsson@efla.is

Um hvað snýst verkefnið

Samkvæmt samþykktu skipulagi mun hringvegurinn flytjast norður fyrir Selfoss. Núverandi hengibrú við Selfoss er komin til ára sinna og hefur ný brú yfir Ölfusá við Efri–Laugardælaeyju verið á teikniborðinu frá því um 2010.

Forhönnunarverkefnið felst í þróun á ýmsum útfærsluatriðum í brúarlausninni í samráði við verkkaupa og samstarfsaðila. Brúin er með turni í Efri–
Laugardælaeyju og er brúargólfið til beggja átta hengt í hann með köplum úr stáli.

Í forhönnuninni er greindur kostnaður við mismunandi gerðir af turni og gólfi. Turnar úr stáli og steypu eru skoðaðir og nokkrir valkostir fyrir breidd gólfsins og þar með akreinafjölda á brúnni eru metnir.

Jarðskjálftaálag er veigamikill þáttur í hönnunarvinnunni. Það er skilgreint í samstarfi við sérfræðinga Háskóla Íslands.

Útfærsla deiliatriða er unnin í samstarfi við arkitekta Studio Granda með það fyrir augum að brúin komi sem best út í umhverfinu.

Gert er ráð fyrir að verkefnið vinnist í áföngum á næstu árum.

Umhverfismál

Mat á umhverfisáhrifum framkvæmdarinnar var gert samhliða frumdrögum árið 2010. Flug fugla við brúna verður kortlagt til að meta þörf á að beina þeim frá brúarstæðinu. Unnið er með arkitektum Studio Granda í útlitsmótun brúarinnar sem verður mikið kennileiti á svæðinu.

Brúin hefur ekki áhrif á flóð í Ölfusá.