Jarðgöng og vegur | Norður Noregur

Statens vegvesen Region nord, Fylkisvegur, Umhverfismál, Vinnuöryggi

Um hvað snýst verkefnið

Fylkisvegur 17 er hluti af svokölluðum ferðamannavegum og hluti af strandvegaverkefni norsku vegagerðarinnar. Undir fjallinu Liafjell hefur verið viðvarandi skriðufallahætta um langt skeið, þannig að vegurinn hefur lokast reglulega og almennt er öryggi vegfarenda ekki nægjanlegt.

EFLA sá um útboðshönnun á um 5,6 km löngum kafla á þessum vegi við Aldersund. Vegurinn fer í um 2 km löngum jarðgöngum undir Liafjell en það dugir þó ekki til að sleppa algjörlega við grjóthrunshættu þar sem aðstæður við jarðgangamunnan eru þannig að ekki er hægt að komast inn í fjallið á öruggum stað. Því var hannaður rúmlega 100 m langur varnargarður úr jarðvegsgrindum sem er mest um 8 m hár.

Vegna takmarkanna við val á veglínu, vegna hagsmuna landeigenda, grjóthruns úr annarri hlíð og vegna krafna frá samískum hreindýrabændum fer vegurinn um önnur jarðgöng sem eru aðeins um 400 m löng. Þaðan fer vegurinn beint á brú yfir stöðuvatnið Olvikvatn sem er um 26 m djúpt.

Hlutverk EFLU

• Hönnunarstjórn
  
• Gerð útboðsgagna og samræming
  
• Veghönnun
  
• Fráveitulagnir
  
• Umferðaröryggismál og skilti
  
• Bergtækni
  
• Jarðtækni
  
• Hönnun varnargarða

Ávinningur verkefnis 

Betri samgöngumáti með nýjum og öruggari vegi án skriðufallahættu.