Flóðareikningar í Sørfold

Hönnunarflóð, Statnett Vegvesen, Rofvarnir, vegagerð, Sorfold

Um hvað snýst verkefnið

Verkefnið fól í sér að reikna hönnunarflóð með 200 ára endurkomutíma auk flóðhæðar í 16 mismunandi punktum. Einnig var lagt mat á þörf fyrir rofvarnir á hverjum stað og tillaga lögð fram að hæfilegum steinastærðum. Vinnan tengdist hönnun nýs vegar, E6 milli Megården og Mørsvikbotn, í Sørfold.

Hlutverk EFLU

• Útreikningar á hönnunarflóði með 200 ára endurkomutíma
• Notuð var flóðatíðnigreining með forriti NVE, Hydra 2, og rökræna líkingin
• Straumhraðaútreikningar
• Stærðarákvörðun ræsa undir vegi og brýr
• Útreikningar á flóðhæð
• Lýsing á rofvörnum
• Innmæling árfarvega
• Athugun á jarðvegsaðgerðum í þeim tilgangi að vernda náttúrulega farvegi

Ávinningur verkefnis 

Brýr og ræsi gegnum nýjan veg verða stærðarákvörðuð með tilliti til flóða með 200 ára endurkomutíma sem tryggir öryggi vegfarenda og stuðlar að því að vegurinn sé varinn gegn flóðaskemmdum.