Loftmyndir í Skaftafellsþjóðgarði
Vegna mikillar fjölgunar ferðamanna við Skaftafell þurfti að endurhanna bílastæði og aðkomu inn á svæðið. EFLA sá um forhönnun á vegsvæðum og bílastæðum í samstarfi við Landslag.
Um hvað snýst verkefnið
Skaftafell er verndað og friðlýst landsvæði og vill þjóðgarðurinn tryggja gestum góðan aðgang og dvöl innan svæðisins. Skaftafellsþjóðgarður, sem er hluti af Vatnajökulsþjóðgarði, var stofnaður árið 1967 og er þar að finna einstaka náttúrufegurð og gróskumikinn gróður sem þrífst vel milli sanda og jökla.
EFLA notaði áttahreyfla dróna til að taka fjölmargar myndir úr lofti af svæðinu eftir fyrirfram hönnuðum ferlum. Með sérstökum hugbúnaði eru myndirnar settar saman þannig að út kemur þrívíddarlíkan og samsett flatarrétt loftmynd . Alls þurfti fimm flug til að þekja allt svæðið og kortleggja.
Í kjölfarið afhenti EFLA nýja tillögu að veghönnun ásamt stækkun bílastæða. Tillögurnar voru byggðar á nákvæmum loftmyndum teknum með dróna.
Hlutverk EFLU
- Loftmyndataka með drónum
- Tillaga útbúin að nýrri veghönnun og stækkun bílastæða
Ávinningur verkefnis
Aukið öryggi gesta á svæðinu og betri aðgangur að náttúruperlunni Skaftafelli.
1 / 4
2 / 4
3 / 4
4 / 4