Stefnumörkun sveitarfélaga á Vestfjörðum
EFLA og teiknistofan Eik á Ísafirði unnu að verkefninu í samstarfi við Fjórðungssamband Vestfirðinga. Talsverðar breytingar hafa orðið í atvinnulífi á Vestfjörðum undanfarin ár með fjölgun ferðamanna og auknu fiskeldi.
Um hvað snýst verkefnið
Fyrirhugaðar eru miklar breytingar vegna tilkomu jarðganga og heilsársvegar sem mun tengja saman norðan- og sunnanverða Vestfirði.
Í verkefninu var skoðað hvort grundvöllur væri fyrir sameiginlegri stefnumörkun sveitarfélaga á Vestfjörðum í ljósi þeirra breytinga sem hafa orðið og munu verða í framtíðinni með áherslu á uppbyggingu innviða á næstu árum.
Verkefnið fólst í að taka saman stöðu einstakra málaflokka í sveitarfélögunum og móta ramma fyrir næstu skref þeirra varðandi sameiginlega stefnumótun. Stefnumörkunin,sem mögulega verður unnin í kjölfarið, verður vegvísir sveitarfélaga, íbúa og atvinnulífs svo nýta megi þau tækifæri sem skapast og yfirvinna þær hindranir sem kunna að vera til staðar. í verkefninu var lögð áhersla á eftirfarandi:
- Greining á stöðu og stefnu – samantekt á núverandi stefnu sveitarfélaga, ríkis og atvinnugreina í þeim málaflokkum sem voru til umfjöllunar.
- Niðurstaða og greining – farið var yfir greiningu á leiðarljósum sveitarfélaga og stöðu svæðisins, möguleikum til sóknar og samtali við atvinnulífið. Dregnar voru fram niðurstöður um þau áhersluatriði sem fjalla ætti um í framhaldsverkefni og metið hvort æskilegt væri að fara í gerð svæðisskipulags eða svæðisáætlunar.
- Næstu skref – farið var yfir mögulega aðferðafræði við frekari stefnumótun og hvernig hægt væri að tryggja að unnin verði stefnumótun sem unnið verði markvisst eftir.
Umhverfismál
Sveitarfélög á Vestfjörðum hafa fengið vistvæna vottun sem kallast Earth Check. Markmið sveitarfélaganna er að gegnum gangandi sé sjálfbærni ávallt sett sem meginmarkmið í starfsemi þeirra. Niðurstaða verkefnisins studdi enn frekar við þetta markmið því í gegnum allt samráð og greiningu á stefnum sveitarfélaganna í ólíkum málaflokkum var mikil áhersla á sjálfbærni og umhverfismál almennt.
Hlutverk EFLU
- Ráðgjafi verkkaupa við vinnslu og útfærslu á verkefni
- Ráðgjöf um stefnumótun til framtíðar
- Utanumhald um samráð
Ávinningur verkefnis
Afurð verkefnisins var rammi fyrir næstu skref sveitarfélag á Vestfjörðum. Sá rammi hefur verið nýttur til að aðstoða sveitarfélögin við að taka ákvörðun um hvort þau sjái sameiginlega hagsmuni í að setja sameiginlega stefnu um ákveðna málaflokka.