Strætó hefur kynnt fyrstu hugmyndir að nýju leiðaneti. EFLA veitti ráðgjöf við við verkefnastýringu, stefnumótun verkefnisins, kortagerð ásamt því að sinna gerð áfangaskýrslu.
Áfangaskýrsla um nýtt leiðanet Strætó
Strætó hefur kynnt fyrstu hugmyndir að nýju leiðaneti en um er að ræða fyrsta áfanga í endurskoðun leiðanets Strætó. Það sem kallar á heildstæða endurskoðun á leiðaneti og þjónustu Strætó er m.a. uppbygging Borgarlínu, skipulagsbreytingar á Hlemmi og þörf á frekari aðgerðum til að ná markmiðum svæðisskipulagsins höfuðborgarsvæðisins til 2040 um að auka hlutdeild almenningssamgangna í öllum ferðum innan höfuðborgarsvæðisins.
Vinnan hefur staðið yfir síðan í febrúar 2019 og hafa helstu þættir verkefnisins falist í stefnumótunarvinnu, samráði við almenning og fulltrúa sveitarfélaga, sem og hönnun og greiningu á fyrstu hugmyndum af nýju leiðaneti. Næstu skref í þessari vinnu er að endurskoða þessar fyrstu hugmyndir að nýju leiðaneti byggt á þeim athugasemdum sem bárust frá íbúum og sveitarfélögum.
EFLA verkfræðistofa veitti ráðgjöf við verkefnastýringu, stefnumótun verkefnisins, kortagerð ásamt því að sinna gerð áfangaskýrslu.
Frekari upplýsingar um verkefnið má finna á vefsíðu Strætó.
Smelltu til að skoða áfangaskýrsluna.