Brunatækni: Við­ur­kenn­ing til EFLU

Félagið velur ár hvert hús eða byggingu sem hlýtur þessa viðurkenningu.

Var viðurkenningin afhent 18. september, Það gerði forseti Íslands við hátíðlega athöfn í húsakynnum Grunnskólans á Ísafirði.

Tilgangur viðurkenninga af þessu tagi er að efla gæðavitund meðal þeirra aðila sem starfa á þessum vettfangi, efla þróun í lagnamálum með bættum vinnubrögðum, vali á lagnaleiðum og lagnaefnum.

Síðast en ekki síst er viðurkenningunum ætlað að vera hönnuðum og iðnaðarmönnum hvatning til að afla sér aukinnar menntunar á sviði lagnamála.

Ásamt Grunnskóla Ísafjarðar hlutu eftirtaldir aðilar viðurkenningu fyrir umrætt lagnaverk: Tækniþjónusta Vestfjarða ehf. fyrir hönnun lagna- og loftræstikerfa. EFLA hf. fyrir brunatæknilega hönnun, Ferill ehf. fyrir hönnun á vatnsúðakerfi, Aðalblikk ehf. fyrir smíði loftræstikerfis, A.V. pípulagnir ehf. fyrir smíði pípulagna, Straumur ehf. fyrir smíði stjórnkerfis og loks Arkiteo ehf. fyrir samvinnu við gerð lagna- og loftræstikerfa.

mynd fengin af síðu Forsetaembættis Íslands (www.forseti.is)