Samorkuþing, ráðstefna um málefni orku- og veitufyrirtækja, fer fram dagana 4.-5. maí í Hofi á Akureyri.
EFLA á Samorkuþingi á Akureyri
Þar koma saman aðilar sem starfa í orku- og veitugeiranum og ræða það sem er efst á baugi hverju sinni. EFLA tekur þátt í ráðstefnunni með fjölbreyttum hætti og flytja starfsmenn fyrirtækisins erindi á ráðstefnunni ásamt því sem kynningarbás EFLU verður á svæðinu.
Þau erindi sem starfsmenn EFLU ætla að flytja eru:
- Jón Vilhjálmsson, sviðsstjóri: Sýn orkuspárnefndar á orkuskipti næstu áratugina
- Reynir Sævarsson, fagstjóri fráveitna og vatnsveitna: Fráveitumál við Mývatn: Staða mála og mögulegar lausnir
- Anna Heiður Eydísardóttir, umhverfisverkfræðingur: Frumhönnun veitna á deiliskipulagsstigi
- Páll Bjarnason, svæðisstjóri og Cathy Legrand, byggingarverkfræðingur Ný sýn á skoðun og eftirlit með veitukerfum: Notkun á flugdrónum
- Símon Elvar Vilhjálmsson, rafmagnsverkfræðingur:
Sjálfvirkt hitaeftirlit í orkuiðnaði
Við hvetjum alla þátttakendur ráðstefnunnar til að líta við hjá okkur og spjalla við sérfræðinga okkar um málefni orku og veitna.
Nánari upplýsingar um dagskrá Samorkuþings má finna á: http://samorkuthing.is