EFLA hlaut Jafnréttisvottun Félags kvenna í atvinnulífinu (FKA) fyrir árið 2025. Vottunin er veitt fyrirtækjum sem sýna í verki að þau leggja áherslu á jafnvægi kynja í efsta lagi stjórnunar. Í framkvæmdarstjórn EFLU er kynjahlutfallið jafnt, þar sitja nú fjórar konur og fjórir karlar.
Ingibjörg Sigrún Stefánsdóttir, sviðsstjóri mannauðs, tók við viðurkenningunni fyrir hönd EFLU.
Skuldbinding til jafnréttis og þátttaka í Jafnvægisvoginni
EFLA hefur verið virkur þátttakandi í verkefni Jafnvægisvogar FKA frá árinu 2021 og vill vera í fremstu röð þegar kemur að jafnrétti í atvinnulífinu. Fyrirtækið hefur um langt skeið unnið að því að draga úr kynjamun og hvatt konur sérstaklega til að taka að sér aukna ábyrgð.
Viðurkenningin var afhent á hátíðlegri athöfn í Hátíðarsal Háskóla Íslands þann 9. október og var það í sjöunda sinn sem viðurkenningarhátíð Jafnvægisvogar fer fram. Fyrir hönd EFLU tók Ingibjörg Sigrún Stefánsdóttir, sviðsstjóri mannauðs, við viðurkenningunni og gróðursetti jafnframt tré í Jafnréttislundi FKA í Heiðmörk, táknrænt framlag sem undirstrikar skuldbindingu við jafnrétti og sjálfbærni.
Viðurkenningarathöfn FKA
Alls tóku 128 stjórnendur við viðurkenningu á athöfninni, sem undirstrikar vaxandi áhuga og skuldbindingu íslenskra fyrirtækja við aukið jafnrétti í atvinnulífinu. Jafnvægisvogin var formlega sett á laggirnar árið 2018 með það að markmiði að jafna hlutfall kynja í efsta lagi stjórnunar fyrirtækja, stofnana og sveitarfélaga. Viðurkenning hefur verið veitt árlega til aðildarfélaga Jafnvægisvogarinnar sem náð hafa settum viðmiðum, frá árinu 2019.
Ingibjörg Sigrún gróðursetti tré í Jafnréttislundi FKA í Heiðmörk.