Samfélagssjóður EFLU var stofnaður í tilefni af 40 ára afmæli fyrirtækisins og er úthlutað úr sjóðinum tvisvar á ári.
Eflum ungar raddir
Eitt af fyrstu verkefnum sjóðsins er tónleikaröð sem kallast "Eflum ungar raddir". Á tónleikunum gefst ungum og efnilegum söngvurum tækifæri á að koma fram á einsöngstónleikum í Hörpu og þroskast þannig og eflast ennfremur. Frítt er inn á tónleikana sem eru á neðangreindum dagsetningum.
Tónleikarnir verða einu sinni í mánuði í vetur með söngvurum sem eru í framhaldsnámi og að stíga sín fyrstu skref sem atvinnumenn á tónlistabrautinni. Hinir ungu söngvarar hafa verið valdir af valnefnd eftir áheyrnarprufur en þeir eru á bilinu 21-28 ára, og koma úr ýmsum greinum tónlistar. Dagskrá þeirra verður því mjög fjölbreytt, allt frá ljóðasöng og óperuaríum yfir í jazz og söngleikjatónlist.
Í valnefnd sátu; Mist Þorkelsdóttir, Steinunn Birna Ragnarsdóttir, Kristjana Stefánsdóttir, Kristján Jóhannsson og Þórunn Sigurðardóttir sem jafnframt er verkefnisstjóri verkefnisins.
Tónleikarnir verða klukkan 16 á eftirfarandi dagsetningum í Kaldalóni í Hörpu:
Kristín Sveinsdóttir, mezzo, 20. október
Rúnar Kristinn Rúnarsson, söngleikjatónlist, 24. nóvember
Aðalsteinn Már Ólafsson, baritón, 26. janúar
Ingibjörg Fríða Helgadóttir, Jazz, 23. febrúar
Unnur Helga Möller, sópran, 23. mars
Kristján Jóhannesson, baritón, 13. apríl
Fylgist með tónlistardagkrá hverra tónleika á heimasíðu Hörpu.