EFLA verkfræðistofa hefur í samvinnu við Friðrik Má Baldursson, prófessor við Háskólann í Reykjavík, tekið saman skýrslu þar sem reynt er að meta það hversu mikils virði það er fyrir þjóðfélagið að halda áfram uppbyggingu flutningskerfis raforku.
Gildi uppbyggingar flutningskerfis
Borin eru saman tvö tilvik þar sem annað er óbreytt núverandi flutningskerfi - með stöðugt meiri takmörkunum á flutningi raforku þegar fram líða stundir- og hins vegar kerfi án flutningstakmarkana. Þjóðhagslegur kostnaður vegna þess að kerfið annar ekki notkuninni og vegna breytilegs rekstrarkostnaðar, svo sem vegna tapa, er metinn í báðum tilvikum og ávinningur af uppbyggingu kerfisins síðan mismunur á milli kostnaðarins í þessum tveimur leiðum. Frekari upplýsingar er að finna í skýrslunni.