Samfélagssjóður EFLU veitti nú í desember sína fimmtu úthlutun.
Samfélagssjóður EFLU styrkir átta verkefni
Samfélagssjóður EFLU veitti nú í desember sína fimmtu úthlutun. Sjóðurinn var stofnaður í tilefni af 40 ára afmæli fyrirtækisins en markmið sjóðsins er að láta gott af sér leiða í samfélaginu og veita styrki til verðugra verkefna. Samtals bárust 67 umsóknir að þessu sinni í alla flokka og hlutu átta verkefni styrk. Umsóknir voru metnar út frá markmiðum sjóðsins, markmiðum EFLU og áherslum nefndarinnar.
Verkefnin eru:
- Bergmál - vegna starfsemi félagsins að Sólheimum í Grímsnesi.
- Skákfélagið Hrókurinn - vegna margvíslegra og fjölbreyttra góðgerðarverkefna félagsins.
- Hjálparstarf Kirkjunnar - vegna fjárhagsstuðnings tengdum námi framhaldsskólanema.
- VISS vinnu- og hæfingarstöð - vegna kaupa á iðnaðarsaumavél fyrir skjólstæðinga.
- Íþróttastærðfræði - vegna útgáfu á námsefni í stærðfræði fyrir nemendur með námsörðugleika.
- Samhjálp - vegna matargjafa fyrir hátíðirnar.
- Matarúthlutun Norðurland - vegna matarúthlutunar fyrir hátíðirnar
- Matarúthlutun Austurland - vegna matarúthlutunar fyrir hátíðirnar
Tekið er á móti umsóknum í samfélagssjóðinn allt árið um kring en úthlutað er úr sjóðnum tvisvar á ári, að vori og hausti.