EFLA lætur sig umferðaröryggi varða og var í vinnuhóp sem útbjó hjólasáttmála um gagnkvæman skilning atvinnubílstjóra og hjólreiðafólks í umferðinni.
Sáttmáli hjólreiðafólks
Markmið sáttmálans er að auka gagnkvæman skilning og koma í veg fyrir slys þar sem mikilvægast er að tryggja öryggi allra vegfarenda. Síðastliðin ár hefur orðið mikil aukning á hjólreiðafólki í umferðinni og að sama skapi hefur hjólreiðaslysum fjölgað. Það var því orðin þörf á að stuðla að aukinni sátt og samlyndi milli ólíkra hópa í umferðinni. Sáttmálinn inniheldur því góð ráð bæði til hjólreiðafólks og atvinnubílstjóra.
Sáttmálinn var gerður í samvinnu Samgöngustofu, Hjólafærni, Vegagerðarinnar, EFLU verkfræðistofu, Hjólaþjálfun, Landsamtaka hjólreiðamanna, Strætó, Lögreglunnar á höfuðborgarsvæðinu og Reykjavíkurborgar og Siggi danski atvinnubílstjóri kom einnig að undirbúningi hans.
EFLA hefur mikla þekkingu á kröfum og aðstæðum hjólreiðamanna og veitir fjölþætta þjónustu á sviðinu.