Beint í efni
Fréttir og blogg

Stelpur og tækni heimsækja EFLU

24.05.2019

Fréttir
A woman giving instruction to two girls who are seated and looking at computer monitors

Stelpur og tækni er haldinn í fimmta skipti og er ætlað að vekja athygli á tækninámi.

EFLA styður við bakið á framtakinu Stelpur og tækni og tók á móti stelpum í fyrirtækið á Norðurlandi og í Reykjavík. Þær fengu innsýn í starfsemina og sögðu konur hjá EFLU frá reynslu sinni af tækni- og verkfræðinámi.

Tækni heimsækja EFLU

Viðburðurinn Stelpur og tækni hefur verið haldinn árlega í fimm skipti og er á vegum Háskólans í Reykjavík, Ský og Samtaka iðnaðarins. Stelpum í 9. bekk er boðið í háskólann og tæknifyrirtæki með það að markmiði að vekja áhuga þeirra á þeim ýmsu möguleikum sem eru fyrir hendi í tækninámi og störfum því tengdu. Þá er ekki síður mikilvægt að brjóta niður staðalmyndir og sýna fjölbreytileikann sem einkennir tækniiðnaðinn.

EFLA Norðurland tók á móti 20 stelpum af svæðinu þriðjudaginn 21. maí og höfuðstöðvarnar í Reykjavík fékk 25 stelpur úr Ingunnarskóla í heimsókn miðvikudaginn 22. maí. Kvenkyns starfsmenn EFLU tóku á móti stelpunum og sögðu frá því sem þær eru að fást við daglega í starfinu. Stelpunum var skipt upp í nokkra hópa og fengu þær að glíma við verkefni. Meðal þess sem þær gerðu var að mæla aksturshraða í nágrenninu, finna kolefnisspor matarins með aðstoð matarreiknis EFLU, byggja brú úr sykurpúðum og spaghettí og leysa verkefni í tækniteiknun. Stelpurnar stóðu sig með prýði, voru áhugasamar að leysa verkefnin og eflaust eru nokkrar í hópnum framtíðarstarfsmenn á sviði tækni- og verkfræði.

Við þökkum stelpunum fyrir komuna og óskum forsvarsmönnum verkefnisins til hamingju með frábært framtak.

  1. A group of young people outdoors, holding car speed reading machine and and a paper
    1 / 6

    Stelpurnar að hraðamæla akstur bifreiða við Lyngháls.

  2. Two girls building something using spaghetti and marshmallow
    2 / 6

    Það var byggt úr sykurpúðum og spaghettí.

  3. Two women examining car speed reading machine and other people sitting at the background, writing on notebooks
    3 / 6

    Hraðamælingar við Glerárgötu á Akureyri.

  4. Five young people seated at a long white table, with spaghetti and marshmallow on it
    4 / 6

    Einbeiting í hópnum.

  5. A woman giving instruction to six girls who are seated and looking at computer monitors
    5 / 6

    Verkefni í tækniteiknum eru fjölbreytt og leystu stelpurnar verkefni því tengt.

  6. An audience of young girls facing a presenter next to a projection screen
    6 / 6

    Kolbrún Reinhaldsdóttir hélt erindi um tæknistörf og nám því tengdu.