EFLA leggur metnað í að styðja við háskólasamfélagið, nýsköpun og þróun og ræður efnilega háskólanemendur til starfa á sumrin. Í ár voru ráðnir 12 sumarstarfsmenn sem sinntu fjölbreyttum og krefjandi verkefnum.
Sumarstarfsfólk EFLU kvatt
Meðal verkefna sumarstarfsfólksins voru þrjú nýsköpunarverkefni, sem hlutu styrk úr Nýsköpunarsjóði námsmanna, ásamt öðrum viðfangsefnum á flestum markaðssviðum og starfsstöðvum EFLU.
Hjá EFLU er lögð áhersla á að veita ungu starfsfólki ráðrúm og traust til að axla ábyrgð í verkefnum undir handleiðslu reyndari starfsmanna. Útkoman verður oft á tíðum kröftug blanda þar sem unga fólkið býr yfir ferskri sýn á viðfangsefnin en öðlast jafnframt dýrmæta starfsreynslu í samvinnu við sérfræðinga.
Við þökkum sumarstarfsfólkinu okkar fyrir ánægjuleg kynni og gott samstarf í sumar. Jafnframt óskum við þeim alls hins besta í áframhaldandi námi.