EFLA annast verkfræðihönnun byggingar á svefnskálum fyrir Landhelgisgæsluna sem staðsettir eru á öryggissvæði Keflavíkurflugvallar.
Verkfræðihönnun svefnskála
Fyrirhugað er að byggja svefnskála fyrir Landhelgisgæsluna sem eru ætlaðir erlendum liðsafla sem dvelur tímabundið á svæðinu. Í fyrsta áfanga verður byggð ein bygging með 50 einstaklingsherbergjum en fyrirhugað er að fjölga þeim í sex byggingar með 300 svefnplássum fram til ársins 2024. Gert er ráð fyrir að húsið verði staðsteypt og klætt að utan.
Um þessar mundir stendur verkefnið í forhönnunarfasa en gert er ráð fyrir að fullnaðarhönnun fari á fullt núna í nóvember. Áætlað er að jarðvinna hefjist strax í desember og eru verklok áætluð í desember 2021.
EFLA sér um eftirfarandi þætti í verkfræðihönnun bygginganna
- Burðarvirki
- Brunahönnun
- Hljóðvist
- Lagnir og loftræsing
- Raflagnir
Verkið kom í gegnum alútboð sem Framkvæmdasýsla ríkisins stóð fyrir og var EFLA í teymi með Alverk og Grímu arkitekta.
![3D model of a building complex with minimalistic design](/_next/image?url=https%3A%2F%2Fefla-is.payload.is%2Fmedia%2Fverkfraedihonnun-svefnskala.jpg&w=2048&q=80)
Smelltu á myndina til að sjá hana stærri.