EFLA bauð viðskiptavinum og samstarfsaðilum í gleðskap í Ketilhúsinu á Akureyri í liðinni viku. Starfsfólk EFLU Norðurlandi var á svæðinu ásamt stórum hluta af framkvæmdastjórn fyrirtækisins, þ.á.m. svæðisstjórum, sviðsstjórum og framkvæmdastjóra.
Gestir og góðar veitingar
Fjölmargir gestir mættu á staðinn og nutu góðra veitinga. Þarna fékk fólk tækifæri til að ræða saman utan vinnu og fara yfir málin á léttum nótum.
Hjalti Már Bjarnason, svæðisstjóri EFLU á Norðurlandi, sagði í stuttum máli frá starfsemi fyrirtækisins á Norðurlandi og frá nokkrum verkefnum sem hafa verið unnin þar. Hjá EFLU Norðurlandi er starfsfólk um 30 talsins. Langflest starfa á starfsstöð fyrirtækisins á Glerárgötu á Akureyri, en einnig starfar fólk á Siglufirði, Húsavík og Mývatni.
Möguleikar orkuskipta
Birta Kristín Helgadóttir, sviðsstjóri orku hjá EFLU, hélt einnig stutt erindi sem fjallaði um orkuskiptin og möguleikana sem felast í þeim. Fólk fylgdist áhugasamt með og fjöldi gaf sig á tal við Birtu Kristínu að erindi hennar loknu til að fara nánar yfir málefnið og til að ræða hvernig mætti þróa fyrirtæki þeirra eða sveitarfélag í átt að orkuskiptum.
Starfsfólk EFLU þakkar gestum kærlega fyrir samveruna og samræðurnar.
- 1 / 12
- 2 / 12
- 3 / 12
- 4 / 12
- 5 / 12
- 6 / 12
- 7 / 12
- 8 / 12
- 9 / 12
- 10 / 12
- 11 / 12
- 12 / 12