Orkustofnun hefur gefið út nýja raforkuspá fyrir 2021-2060 og koma sérfræðingar EFLU á sviði orkumálaráðgjafar að gerð skýrslunnar.
Ný raforkuspá er komin út
Orkustofnun hefur gefið út nýja raforkuspá fyrir 2021-2060. Raforkuspá 2021-2060 er endurreikningur á raforkuspá 2020-2060 sem kom út í desember 2020. Í endurreikningi á raforkuspánni er búið að taka með rauntölur síðasta árs og þær breytingar sem hafa orðið á forsendum spárinnar. Í Raforkuspá 2020-2060 er ítarleg umfjöllum um einstaka þætti spárinnar og forsendur.
Raforkuspár eru unnar á vegum Raforkuhóps Orkuspárnefndar og gefur Orkustofnun spána út. Sérfræðingar EFLU á sviði orkumálaráðgjafar hafa líkt og undanfarin ár unnið að henni, en hún byggir á aðferðafræði sem Jón Vilhjálmsson heitinn, fyrrum sviðsstjóri orkusviðs EFLU, lagði grunn að fyrir um 36 árum. Skýrslan er aðgengileg á vefsíðu Orkustofnunar.
Sjá nánar
Frétt Orkustofnunar
Skýrsla - Raforkuspá 2020-2060