Sumarstörf hjá EFLU

Árlega leitar EFLA að efnilegum, hugmyndaríkum og metnaðarfullum nemum í hóp sumarstarfsfólks. Leitað er að kraftmiklum og metnaðarfullum einstaklingum sem eru reiðubúnir að axla ábyrgð í verkefnum og takast á við ný tækifæri.

Umsóknir fyrir sumarið opna í desember, fylgstu með!

three people wearing yellow working jackets and blue helmets on a construction site

Teymishugsun út í gegn

Hjá EFLU starfar fólk í fjölbreyttu og krefjandi verkefnaumhverfi þar sem teymishugsun, frumkvæði og þekkingarmiðlun skipta miklu máli.

Hjá EFLU er unnið í fagteymum af ýmsum stærðum og gerðum. Teymin einkennast af lifandi verkaskiptingu einstaklinga með ólíkan bakgrunn, styrkleika og starfsaldur þar sem allir fá tækifæri til að axla ábyrgð, deila hugmyndum og þróast í starfi.

Sumarstarfsfólk er ráðið inn í teymi og fær reynslu af því að vinna í samstilltum hópi starfsfólks sem vinnur að sameiginlegum markmiðum og veitir hvert öðru stuðning og endurgjöf.

Kjarni EFLU samanstendur af starfsfólkinu og þekkingu þess. Við leggjum áherslu á að fólki líði vel í vinnunni, njóti jafnréttis og fái tækifæri til framþróunar.

Byggingar

Byggingarsvið EFLU leggur áherslu á að bjóða upp á verkfræðiráðgjöf sem stendur fyrir gæði, framþróun, sjálfbærni og endingu.

Iðnaður

Iðnaðarsvið EFLU er í fararbroddi þegar kemur að þróun í iðnaði og sjávarútvegi. Starfsfólk sviðsins hefur víðtæka þekkingu og er í stakk búið til að hjálpa fyrirtækjum að ná lengra.

Orka

Endurnýjanleg orka er framtíðin. EFLA hefur reynslu af umfangsmiklum orkuverkefnum og er markmiðið alltaf að lausnir séu nýstárlegar, áeiðanlegar, hagkvæmar og umhverfisvænar.

Samfélag

EFLA er leiðandi í þróun ábyrgra lausna sem bæta samfélagið út frá umhverfislegum, félagslegum og hagrænum sjónarmiðum

Fjölbreytt verkefni í sumarstarfi hjá EFLU

Sumarið 2026 voru 22 nemar ráðnir í sumarstörf hjá EFLU, þar af þrír á starfsstöðvum fyrirtækisins á landsbyggðinni. Sumarstarfsfólkið fékk að takast á við margvígsleg og raunveruleg verkefni, bæði á skrifstofu og út á vettvangi.

Verkefnin voru fjölbreytt og spönnuðu allt frá hönnun sænskra háspennulína, ástandsgreiningu fráveitulagna í Garðabæ, yfir í mælingar og hönnun á tengivirkjum fyrir gagnaver sem og verkefni tengd jarðböðum. Þannig fékk sumarstarfsfólkið okkar innsýn inn í ólíkar faggreinar og tækifæri til að leggja sitt af mörkum í raunverulegum aðstæðum.

Heilsa og jafnvægi

Sumarstarfsfólk hefur aðgengi að framúrskarandi mötuneyti þar sem boðið er daglega upp á hollan og góðan mat. Ræktaraðstaða er í húsnæði EFLU við Lyngháls 4 ásamt því sem frí notkun er á Hopp hjólum á vinnutíma og mögulegt að fá lánuð rafmagnshjól. Þá er samgöngustyrkur í boði fyrir sumarstarfsfólk sem kemur til vinnu með vistvænum hætti.

EFLA leitast við að stuðla að jafnvægi milli einkalífs og vinnu og er vinnutími því sveigjanlegur. Lögð er áhersla á gott starfsumhverfi og góð samskipti.

Öflugt félagslíf

Starfsmannafélag heldur úti virku og fjölbreyttu félagslífi

„Það var gaman að fá að vinna í raunverulegum verkefnum og ég lærði helling af því“

Thelma Dís Helgadóttir, sumarstarfsmaður á byggingarsviði EFLU

Hjá EFLU ríkir öflug þekkingarmenning. Starfsfólk deilir reynslu sinni og þekkingu af miklum áhuga, sem skapar mjög gott lærdómsumhverfi.

Leo Steinn Larsen, sumarstarfsmaður á orkusviði

Eitt sem stendur upp úr eftir sumarið er það hvað mér finnst ótrúlega mikilvægt að hafa aðgang að svona góðu mötuneyti. Ég veit ekki hvar ég væri án þess.

Gústav Nilsson, sumarstarfsmaður á orkusviði EFLU

Fylgstu með

Við opnum fyrir umsóknir um sumarstörf í desember, fylgstu með fréttum af EFLU þangað til

Fréttir af EFLU