Samgöngur

Neðansjávarjarðgöng í Noregi

Tromsøysundtunnelen, Statens Vegvesen, Norðursvæði, Noregur

Endurnýjun á rafbúnaði, lýsingu, fjarskiptabúnaði, umferðarstýringum og fleira í neðansjávargöngum.

Upplýsingar um verkefnið

Verkkaupi
Statens Vegvesen, Norðursvæði, Noregi

Verktími
2012 - 2017

Staðsetning
Tromsø og Tomasfjord, Noregi

Tengiliður

    Um hvað snýst verkefnið

    Tromsøysundtunnelen eru tvenn neðansjávarjarðgöng, 3.500 m og 3.386 m að lengd og liggja milli Breivika á Tromsø og Tomasjord í Noregi. Milli ganganna eru 15 bílgeng flóttagöng. Göngin voru opnuð 1994.

    Verkefnið fólst í endurhönnun á öllum rafmagns-, lýsinga-, neyðar-, stjórn, eftirlits- og fjarskiptakerfum ganganna. Auk þess þurfti að endurnýja alla kapalstiga, tæknirými voru stækkuð og endurbyggð ásamt því að nýtt dæluhús var byggt í göngunum.

    Vararafstöð ganganna var fjarlægð en þess í stað voru göngin fædd með tvöfaldri veituspennu. Setja þurfti upp nýjan spenni 11/22 kV til að aðlaga háspennukerfi ganganna að nýrri veituspennu.

    Endurnýjaður var allur raf- og stjórnbúnaður í göngunum. Lýsing ganganna var endurnýjuð og aukin til mikilla muna. Sett var upp neyðarlýsing í loft og á veggi ganganna.

    Myndavélaeftirlit er í göngunum með radarskynjun sem gefur viðvaranir til vakstöðvar um óeðlileg atvik í göngunum.

    Komið var upp umferðarstýringu með bómum og ljósum, þar sem hægt er að stjórna umferðinni í göngunum, snúa henni við, leyfa eingöngu umferð á annari akreininni í hvorum göngun fyrir sig eða að loka göngunum alveg.

    Hlutverk EFLU

    • Ráðgjafi verkkaupa við framkvæmdina
    • Hönnun raf-, stýri-, lýsinga- og fjarskiptakerfa í jarðgöng
    • Hönnun steyptra tæknirýma og dæluhúss
    • Bruna og öryggismál



    Var efnið hjálplegt? Nei