Vatnstankur í Úlfarsfellshlíðum
Mosfellsbær, Veitur, Mannvirki
EFLA sá um alla verkfræðiráðgjöf fyrir nýtt veitumannvirki vatnsveitu Mosfellsbæjar. Mikil áhersla var lögð á að mannvirkið myndi falla vel í landslagið en framkvæmdin eykur rekstraröryggi vatnsveitunnar til muna.
Upplýsingar um verkefnið
Verkkaupi
Mosfellsbær
Verktími
2016-2021
Staðsetning
Úlfarsfelli í Mosfellsbæ
Tengiliður
Anna Heiður Eydísardóttir Umhverfisverkfræðingur M.Sc. Sími: +354 412 6019 / +354 665 6019 Netfang: anna.eydisardottir@efla.is Reykjavík
Um hvað snýst verkefnið
Vatnstankurinn í Úlfarsfellshlíðum eykur rekstraröryggi vatnsveitunnar í Mosfellsbæ og heldur uppi viðeigandi þrýstingi fyrir efri byggðir. Tankurinn er 2000 m3 að stærð í einu hólfi en er hannaður þannig að hægt er að bæta við öðru jafn stóru hólfi síðar.
EFLA sá um alla verkfræðiráðgjöf fyrir alla þrjá áfanga verkefnisins. Í því fólst kerfisgreining vatnsveitu, for- og verkhönnun og gerð allra útboðsgagna.
Umhverfismál
Mikil áhersla var lögð á að mannvirkið myndi falla vel inn í landslagið og verða fallegur hluti af útvistarsvæðinu í Úlfarsfelli. Við hönnun, frágang og landmótun voru þessi atriði höfð að leiðarljósi en að sama skapi var ávallt hugað að því að skerða ekki nauðsynlega aðkomu að þessu stóra veitumannvirki.
Verkþættir
Hlutverk EFLU
EFLA kom að verkefninu á öllum stigum þess.
- Kerfisgreiningar vatnsveitu og forathugun
- Forhönnun
- Verkhönnun
- Landslagshönnun
- Útboðsgögn allra áfanga
Ávinningur verkefnis
Nýi vatnstankurinn kemur til með að auka rekstraröryggi vatnsveitunnar í Mosfellsbæ ásamt því að halda uppi viðeigandi þrýstingi fyrir efri byggðir.
Mynd tekin á framkvæmdartíma og hér sést inn í vatnstankinn.
Fulltrúar EFLU og vatnsveitu Mosfellsbæjar skoða nýja mannvirkið.
Hugað var sérstaklega að allri ásýnd mannvirkisins og að það félli vel inn í landslagið.
Mannvirkið er útbúið nýjustu tækjum og stjórnkerfum.