Skipulagsmál
Skipulagsáætlanir, Umhverfismat áætlana, Stefnumótun, Landnotkun, Byggðaþróun, Landslagsgreiningar, Aðalskipulag, Deiliskipulag, Rammaskipulag, Skipulagsáætlun, Starfsleyfi
EFLA aðstoðar einstaklinga, fyrirtæki, stofnanir og sveitarfélög við gerð skipulagsáætlana í heild eða einstaka þætti þeirra. Einnig veitir EFLA heildstæða ráðgjöf um umhverfismat áætlana.
Tengiliðir
Gísli Gíslason Landslagsarkitekt M.Sc. Sími: +354 412 6441 / +354 665 6441 Netfang: gisli.gislason@efla.is Selfoss
Eva Dís Þórðardóttir Skipulagsfræðingur M.Sc. Sími: +354 412 6239 / +354 665 6239 Netfang: eva.dis.thordardottir@efla.is Reykjavík
Skipulagsmál sveitarfélaga
Í skipulagsráðgjöf EFLU felst m.a. að ráðleggja um landnotkun, borgarhönnun, byggðaþróun, hvers konar samgöngumannvirki og umferðarflæði, veitur, landmótun og landslagsgreiningu. Einnig gerð verndaráætlana, húsakönnun og stefnumótun um nýtingu auðlinda, s.s. flokkun landbúnaðarlands og vindorku. Í vinnu EFLU við gerð skipulagsáætlana er lögð áhersla á vistvænar nálganir.
Hjá EFLU starfa sérfræðingar með langa og viðamikla reynslu í skipulagsmálum. Á það við um gerð svæðisskipulags, aðalskipulags, deiliskipulags, rammaskipulags, stefnumörkun tengda útivist, kortagerð o.fl. Öll vinna tengd skipulagsmálum er unnin skv. skipulagslögum og lögum um umhverfismat áætlana.
Samvinna við gerð skipulags
Þegar unnið er að skipulagsmálum og skipulagsráðgjöf er kostur að fjölbreyttur hópur fólks, með mismunandi þekkingu og reynslu komi að verkefninu. Innan EFLU starfar slíkur hópur og er mikil og góð samvinna milli fagsviða og nýtist hún við skipulagsráðgjöf og gerð skipulagsáætlana.
Gagnvirk kort og stafræn miðlun
EFLA leggur áherslu á rafræna miðlun upplýsinga og samráð við íbúa sveitarfélagsins. Við miðlun upplýsinga, t.d. vegna endurskoðunar á aðalskipulagi, er notast við landupplýsingakerfi sem setur fram gögn á rafrænu kortasvæði þar sem hægt er að skoða tillögur að breytingum á einfaldan og aðgengilegan máta.
Með þessari nálgun geta sveitarfélög stuðlað að aukinni þátttöku íbúa við kynningu á skipulagsmálum auk þess sem meiri líkur eru á að ná til fjölbreyttari hóps íbúa. Framsetning á gagnvirkum kortum er hluti af þjónustu EFLU í málaflokknum og hluti af framtíðarþróun í stafrænni framsetningu efnis.
Þverfagleg aðkoma sérfræðinga
Skipulagsmál er þverfaglegt málefni sem krefst aðkomu ólíkra sérfræðinga. Það er styrkur EFLU að mikil og góð samvinna er á milli fagteyma félagsins sem er nauðsynleg í vinnu við skipulagsmál. Þannig koma að verkefnunum þverfaglegur hópur starfsmanna með margvíslega sérhæfingu.
Á meðal þjónustusviða eru
- Svæðisskipulag
- Aðalskipulag
- Deiliskipulag
- Rammaskipulag
- Hverfaskipulag
- Auðlindastefna
- Verndaráætlun í byggð
- Húsnæðisáætlun
- Svæðisáætlun
- Öryggi í skipulagi
- Hönnun opinna svæða, svæða meðfram vegum og stígum
- Hönnun bílastæða, áningarsvæða, íþróttasvæða
- Gerð plöntuteikninga o.fl.
- Gerð útboðsgagna
- Hönnun og greining áfangastaða ferðamanna
- Landslagsgreining
- Flokkun landbúnaðarlands
- Staðarval vegna nýtingar á vindorku
Yfirgripsmikil og sérhæfð þekking
Starfsfólk EFLU býr yfir mikilli þekkingu og reynslu á sviði stafræns skipulags og nýtir landupplýsingakerfi (GIS) við ýmis verkefni er varða skipulag og forsendugreiningar fyrir skipulag. Þar á meðal við flokkun landbúnaðarlands og staðarval og stefnumótun vegna nýtingar á vindorku.