Kortlagning gistirýma
Ferðaþjónusta, Gistinætur, Gistinótt, Ferðamennska
Við gerð framtíðaráætlana er mikilvægt að hafa góða yfirsýn og styðjast við góða greiningu á forsendum. Með kortlagningu á tegund og dreifingu gistirýma fæst góð yfirsýn yfir stöðuna sem unnt er að byggja á við stefnumótun og markmiðasetningu í málaflokknum.
Sérfræðingar EFLU búa yfir mikilli alhliða þekkingu og víðtækri reynslu á sviði forsendugreininga, kortlagningar í landupplýsingakerfi og framkvæmd fjölbreyttra verkefna sem snúa að ferðaþjónustu, landupplýsingakerfum, kortlagningu og skipulagi.
Tengiliður
Sigmar Metúsalemsson Landfræðingur B.Sc. Sími: +354 412 6304 / +354 665 6304 Netfang: sigmar.metusalemsson@efla.is Reykjavík
Ferðaþjónusta hefur vaxið hratt undanfarin ár og er orðin ein mikilvægasta atvinnugrein Íslendinga, spár gera ráð fyrir áframhaldandi vexti og sóknarfærin eru mörg. Þessi þróun hefur leitt til þess að framboð gististaða og gistirýma af ýmsum ólíkum toga hefur stóraukist.
Kortlagning á gististöðum sem birtir m.a. upplýsingar um dreifingu gististaða, tegund þeirra, stærð, leyfisflokk og helstu upplýsingar um umfang reksturs og þjónustu er mikilvæg forsendugreining. Niðurstöður slíkrar greiningar veita góða yfirsýn sem unnt er að byggja á til að setja fram markmið sem stuðla uppbyggingu innviða ferðaþjónustu í takti við eftirspurn og í samræmi við hagsmuni sveitarfélagsins til framtíðar
Yfirsýn sem auðveldar ákvarðanatöku
Með því að nýta landfræðileg upplýsingakerfi til að kortleggja staðsetningu gististaða og vista helstu upplýsingar um tegund þeirra og umfang reksturs í landfræðilegan gagnagrunn fæst góð yfirsýn yfir stöðuna. Á þann hátt er auðvelt að fylgjast með þróun og kalla fram ólíkar upplýsingar á kortum, í töflum eða á gröfum á hagkvæman og sjónrænan hátt.
Á meðal þjónustusviða eru
- Gagnaöflun
- Kort og kortagrunnar
- Forsendugreining
- Stöðumat
- Þarfagreining
- Stefnumótun
- Skipulagsmál
- Fjarlægðargreining
- Greining á innviðum
- Staðar- og kostaval