Rammaskipulag
Skipulagsmál, Sveitarfélög, Aðalskipulag
Tengiliðir
Hrafnhildur Brynjólfsdóttir Skipulagsfræðingur M.Sc. Sími: +354 843 4949 Netfang: hrafnhildur.brynjolfsdottir@efla.is Reykjavík
Ásgeir Jónsson Landfræðingur B.Sc. Sími: +354 412 6443 / +354 665 6443 Netfang: asgeir.jonsson@efla.is Selfoss
EFLA býður sveitarfélögum upp á aðstoð við mótun stefnu í tengslum við gerð rammaskipulags. Skoðaðir eru þættir á mun ýtarlegri hátt heldur en gert er t.d. í aðalskipulagi sveitarfélaga. Þannig getur stefnumörkunin t.d. náð yfir ferðaþjónustu, útivist og samgöngur. Rammaskipulag getur verið lagt til grundvallar við endurskoðun aðalskipulags.
Gagnvirk kort og stafræn miðlun
EFLA leggur áherslu á rafræna miðlun upplýsinga og samráð við íbúa sveitarfélagsins. Við miðlun upplýsinga, t.d. vegna endurskoðunar á aðalskipulagi, er notast við landupplýsingakerfi sem setur fram gögn á rafrænu kortasvæði þar sem hægt er að skoða tillögur að breytingum á einfaldan og aðgengilegan máta.
Með þessari nálgun geta sveitarfélög stuðlað að aukinni þátttöku íbúa við kynningu á skipulagsmálum auk þess sem meiri líkur eru á að ná til fjölbreyttari hóps íbúa. Framsetning á gagnvirkum kortum er hluti af þjónustu EFLU í málaflokknum og hluti af framtíðarþróun í stafrænni framsetningu efnis.
Traustur grunnur og öflug reynsla
EFLA hefur mikla reynslu af að aðstoða sveitarfélög við ýmis konar stefnumörkun. Leitast er við að hafa jákvæð umhverfisáhrif að leiðarljósi og lágmarka umhverfisáhrif þeirrar stefnu sem sett er fram.
Á meðal þjónustusviða eru
- Stefnumörkun fyrir afmarkað svæði eða þætti
- Skipulag göngu-, reið- og hjólreiðastíga
- Skipulag ferðamannastaða
- Skipulag íbúasvæða
- Skipulag samgangna og veitna
Algengar spurningar og svör
Hver er munurinn á rammaskipulagi og svæðisskipulagi?
Svæðisskipulag tekur til tveggja eða fleiri sveitarfélaga og er háð samþykki þeirra og staðfestingu Skipulagsstofnunar. Svæðisskipulag skal taka til a.m.k. 12 ára.
Rammaskipulag getur hvort sem er tekið til ákveðins hluta eins sveitarfélags eða afmarkaðra þátta/svæða nokkurra sveitarfélaga. Rammaskipulag er aðeins háð samþykki viðkomandi sveitarfélaga og hefur ekki ákveðinn gildistíma.