Umhverfisvöktun
Áreiðanleg umhverfisgögn eru mikilvæg til að meta áhrif starfsemi á umhverfið. EFLA vaktar loftgæði, vatn, skólp og jarðveg fyrir viðskiptavini sína til að þeir geti uppfyllt lagalegar kröfur.
Alhliða eftirlitsþjónusta
Fyrirtæki og stofnanir þurfa að uppfylla strangar lagalegar kröfur í umhverfismálum. EFLA gerir fyrirtækjum mögulegt að sýna fram á árangur gagnvart lagalegum kröfum, með reglulegri umhverfisvöktun. Sérfræðingar EFLU hafa mikla reynslu og þekkingu hvað varðar umhverfisvöktun fyrirtækja ásamt greiningu og birtingu gagna. Við höfum komið að mörgum verkefnum á sviði umhverfisvöktunar, uppsetningar og reksturs slíkrar vöktunar, ásamt því að taka saman og greina niðurstöður þar að lútandi. Teymi EFLU sér um sýnatöku, meðhöndlun og greiningu á vatni, frárennsli og jarðvegi, auk þess að veita ráðgjöf um niðurstöðurnar. Þannig getum við fylgst með margvíslegum umhverfisáhrifum.
Gæði og sjálfbærni
Við hjá EFLU leggjum áherslu á sjálfbærni í öllum okkar verkefnum. Við erum sérfræðingar í eftirliti með og aðstoð við að lágmarka umhverfisáhrif til að uppfylla megi lagalegar kröfur og skilmála starfsleyfis. Rannsóknarstofan okkar hefur verið starfrækt í tvo áratugi og þar starfa sérfræðingar í efna- og verkfræði með mikla þekkingu og reynslu í efnagreiningu á vatni, frárennsli og jarðvegi. EFLA sinnir einnig starfsleyfisskyldri umhverfisvöktun urðunarstaða. EFLA starfar samkvæmt vottuðu gæðakerfi (ISO 9001), umhverfisstjórnunarkerfi (ISO 14001) og stjórnunarkerfi fyrir heilsuvernd og öryggi á vinnustöðum (ISO 45001).
Meðal þjónustusviða eru:
- Umsjón með umhverfisvöktun
- Sýnataka og meðhöndlun sýna
- Efnamælingar
- Skýrslugerð
- Vefgátt til birtingar upplýsinga
- Alhliða ráðgjöf
- Frárennsli frá matvælaiðnaði
- Iðnaðarkæling og losunarvatn
- Skólp sveitarfélaga
- Loftgæði innandyra, mygla og raki
- Gas frá urðunarstöðum
- Mengun og næringarefni í jarðvegi
Umhverfisábyrgð
Hagsmunaaðilar, svo sem almenningur og stjórnvöld, gera auknar kröfur til fyrirtækja og stofnanna um að miðla upplýsingum um áhrif starfseminnar á umhverfið á gagnsæjan hátt. Góð upplýsingamiðlun varðandi umhverfisáhrif reksturs eykur trúverðugleika fyrirtækisins og skapar jákvæða ímynd. Starfsfólk EFLU aðstoðar viðskiptavini við að uppfylla lagalegar skyldur sínar og bæta orðspor sitt.