Göngu- og hjólabrýr
Göngubrú, Hjólabrú, Gangandi vegfarendur, Hjólandi vegfarendur, Hjólastígar
Sérfræðingar EFLU hafa sérhæft sig í hönnun brúa fyrir gangandi og hjólandi vegfarendur.
Á undanförnum árum hafa verið leyst mörg og flókin verkefni á þessu sviði bæði á Íslandi og í Noregi.
Tengiliðir
Magnús Arason Byggingarverkfræðingur M.Sc. Sími: +354 412 6158 / +354 665 6158 Netfang: magnus.arason@efla.is Reykjavík
Kristján Uni Óskarsson Byggingarverkfræðingur M.Sc. Sími: +354 412 6153 / +354 665 6153 Netfang: kristjan.uni.oskarsson@efla.is Akureyri
Verkefnin sem EFLA kemur að eru að jafnaði unnin í samstarfi við arkitekta, landslagsarkitekta og skipulagsfræðinga á sviði hjólreiða. Mikil áhersla er lögð á að útfærsla og ásýnd mannvirkjanna falli vel að umhverfi sínu hvort sem um er að ræða brýr sem þvera umferðargötur, vegi eða vatnsföll.
Göngubrýr EFLU eru hannaðar samkvæmt Evrópustöðlum. Í mörgum tilvikum hefur stálvirki orðið fyrir valinu sem burðarvirki brúnna þar sem slík mannvirki er unnt að reisa með minnstri mögulegri röskun á umferð um framkvæmdasvæðið á byggingartímanum. Sveiflugreining er mikilvægur þáttur í hönnuninni og miðar að því að tryggja að útfærsla mannvirkjanna sé með þeim hætti að sveifluhegðun þeirra valdi notendum ekki óþægindum.
Einfaldur og þægilegur ferðamáti
Eftirspurn eftir göngu- og hjólabrúm í þéttbýli hefur aukist undanfarin ár með auknum fjölda þeirra sem velja hjólreiðar sem samgöngumáta og mun sú þróun halda áfram.
Nokkrar göngu- og hjólabrýr EFLU og samstarfsaðila hafa unnið til verðlauna á undanförnum árum.
Göngubrúin við Hringbraut er ein verðlaunuðu brúarmannvirkjanna.
Á meðal þjónustusviða eru
- Frumdrög göngu- og hjólabrúa á skipulagsstigum
- Verkhönnun göngu- og hjólabrúa
- Sveiflugreining